إجازة الصيف جت وعاوز تتشتغل وتنمي مواهبك في مجال دراستك.. لو حابب تتدرب في اكبر بنوك مصر في الإجازة عشان لما تتخرج تبقي جاهز لسوق العمل..لو انت لسه طالب في تجارة أو في أي مجال ليه علاقة بالاقتصاد ونفسك تتدرب وتشتغل في الأجهزة وتستفيد لحياتك العملية وتبدأ الحكاية بدري ولو نفسك تتدرب بشكل عملي على العمل في البنوك دلوقتي حلمك هيتحقق لام أكبر بنوك مصر بتنزل برامج للطلبة عشان يشتغلو عملي في كل القطاعات البنكية وياخدو فكرة عملي قبل مايتخرجوا..طيب ايه هي البنوك اللي بتوفر دا وازاي تقدم على منح التدريب الصيفي ؟على سبيل المثال بنك مصر أعلن عن إطلاق برنامج “روّاد” للتدريب الصيفي لسنة 2025، والمخصص لطلبة الجامعات المعتمدة من المجلس الأعلى للجامعات ودا في إطار التزامه الدائم بدعم وتمكين الشباب المصري واستنادًا إلى قناعته الراسخة بأن الشباب هم قادة المستقبل وصانعي التغيير.يبدأ التقديم على الصفحة الرسمية لبنك مصر من خلال منصات التواصل الاجتماعي وكل المطلوب منك للالتحاق بالبرنامج تجهيز السيرة الذاتية وإثبات القيد موضح فيه تقدير العام الدراسي السابق.وبخصوص شروط التقديم فهي يكون المتقدم مقيد بإحدى الفرق الدراسية (الثانية – الثالثة – الرابعة – الخامسة لطلاب كليات الهندسة) بإحدى الجامعات المعتمدة من المجلس الأعلى للجامعات وأن يكون التقدير العام “جيد جدًا” على الأقل في السنوات السابقة والأولوية هتكون للطلبة الحاصلين علي التقدير الأعلى والأقرب للتخرج (الثالثة والرابعة والخامسة) لكلية الهندسة والتخصصات المؤهلة للتقديم تشمل كلية التجارة وما يعادلها ،كلية الاقتصاد والعلوم السياسية ،كلية الحاسبات والمعلومات وعلوم الحاسب وكلية الهندسة وما يعادلها .كمان البنك الأهلي المصري أعلن عن برنامجه للتدريب الصيفي لعام 2025، واللي بيتعبر فرصة متميزة لطلاب الجامعات لاكتساب خبرات عملية داخل بيئة عمل احترافية بأحد أعرق وأكبر البنوك العاملة في مصر.. وبيهدف البرنامج إلى دعم وتأهيل الكوادر الشابة من الطلاب وتنمية مهاراتهم المصرفية من خلال تدريب عملي مباشر داخل قطاعات البنك المختلفة بما يساهم في تعزيز جاهزيتهم لسوق العمل بعد التخرج..في نفس الوقت البنوك بيكون عندها فرصة انها تختار الكوادر الشابة والموهوبة في العمل المصرفي المصري وإمكانية الاستعانة بيهم بعد التخرج وفي نفس الوقت البلد هتستفاد من تأهيل الطلبة عمليا قبل التخرج عشان يلتحقوا بسوق العمل مباشرة.
