علق اللاعب عمرو وردة على الاتهامات التي وجهت له سابقا بالتحرش أكثر من مرة، نافيا كل تلك الوقائع.
قال “وردة” في برنامج “ملعبنا” عبر قناة المشهد الرياضي، عن اتهامه بالتحرش في قبرص: “مفيش الكلام ده، ومحصلش في أي حتة بس هو اتكتب، مفيش حد هيكتب الكلام ده غير إن هو عايز يأذي”.
نرشح لك: إبراهيم فايق: لا حياد في تغطية مونديال الأندية
تابع: “اللي بيعمل كده بيبقى عليه قضايا، أنا عمري ما رحت قسم الشرطة ولا اترفعت عليا قضية.. فيه ناس عايزة تاذي ممكن يكون مثلا لعيب زميل أو صحفي، أو حد عنده مشكلة معايا أو مع أبويا”.
وتحدث عن اتهامه بالتحرش واستبعاده من المنتخب، قائلا: “مفيش حاجة من دي حصلت، ووقتها كل اللاعيبة كانت جنبي.، اديت تليفوني لـ صلاح علشان يشوف لو فيه حاجة غلط، ومكنش فيه حاجة”.
أردف: “ناس من اتحاد الكورة منعوني اتكلم في الفترة دي.. كان فيه شات قبل أمم أفريقيا بسنتين، مش وقت البطولة، الكلام مفيهوش حاجة، أنا والبنت كنا أصحاب، وهي نشرت علشان عايزة تأذي، ممكن حد مسلطها”.
