تعرضت المطربة ايناس عز الدين لوعكة صحية كبيرة، من خلال إصابتها بقطع في الملتحمة بمقدار ٣.٥ مل و التهاب شديد بالعين، بسبب خطأ أحد الأطباء بتدوينه لروشته تحتوي على كورتيزون مما سبب لها حساسية شديدة.ايناس عز الدين وكتبت ايناس عز الدين عبر حسابها الخاص على موقع التواصل الاجتماعي الفيسبوك: “هل ينفع طبيب يكتب روشتة علاج كله كورتيزون بدون إعلام المريض إنه هياخد دواء فيه كورتيزون”.وتابعت: “انا رايحة المستشفى يوم السبت عيني فيها قطع في الملتحمة بمقدار ١.٥ مل النهاردة تخطى ٣.٥ مل و التهاب شديد وحساسية بسبب إني كان مكتوبلي قطرة ومرهم الاتنين كورتيزون وانا ما إتقاليش إنهم كورتيزون”.وأشارت إلى: “وانا من الحالات النادرة اللي عندها حساسية ضد الكورتيزون و النتيجة إني إحتمال أعمل عملية و أشيل جزء من الملتحمة تضرر و إنتفخ و أخيط و للأسف مش شايفة بيها كويس طبعاً غير ألم رهيب وعيني بتزداد سوء ومستنية قرار الدكتور الإستشاري بكره الصبح”.وعبرت عن استنكارها: “ده انا لما بروح لدكتور جلدية و بيكتب على كريم قبل ما يكتبه بيقولي إنه فيه كورتيزون”.
