كشف الإعلامي محمود سعد عن تفاصيل الحالة الصحية لـ أنغام، ورحلتها العلاجية في ألمانيا.
قال “سعد” في بث مباشر عبر حسابه الشخصي على موقع التواصل الاجتماعي فيس بوك: “أنغام كلمتني النهاردة الصبح، وقالت لي أنا قلقانة جدا على الناس اللي بتسأل عليا والأخبار اللي بتتقال عني مش دقيقة خالص”.
تابع: “هي من قبل ما تسافر قالت إن فيه عندها كيس على البنكرياس، وفيه مستشفى في ألمانيا متخصصة في البنكرياس.. الحمد لله الكيس طلع حميد ومفيش حاجة خبيثة وعملولها منظار من الفم وشال جزء كبير من الكيس”.
استكمل: “وهي دلوقتي بتاكل خفيف أوي وبتتألم جامد جدا ودي حاجة عايزكم تدعوا لها إن ربنا يخف عنها الألم لكن بتقدر تتمشى وإن شاء الله تخرج بكرة أو بعده.”.
أوضح: “تم إزالة جزء كبير من الكيس اللي على البنكرياس، والدكاترة بيقولوا الجزء اللي فاضل مش مزعج، قد تحتاج أنها تشيله قدام وقد تستمر بيه من غير مشاكل ولكن عايز متابعة، إذا كان مستقر ومبيكبرش مفيش مشكلة، مفيش حاجة خطر وهي بتكلمني وكويسة جدا الحمد لله”.
اختتم: “ادعوا لـ أنغام، لأنها بتقولي إن النهاردة فيه وجع جامد في كتافها وضهرها.. صوتها تعبان ومرهق لكن مبسوطة إن ربنا نجاها ومفيش أي حاجة خطر”.
نرشح لك: النص الكامل لمكالمة أنغام عن شيرين عبد الوهاب في “كلمة أخيرة”
