حلت الفنانة حنان مطاوع ضيفة في برنامج “The Apostrophe S”، وتحدثت خلال اللقاء عن علاقتها بابنتها اماليا وطريقة تربيتها لها، موضحة محاولتها لمواكبة عصرها. حنان مطاوع تكشف طريقة تربيتها لـ ابنتها أمالياوقالت حنان مطاوع:” مبكتبش فرانكو خالص على جروب أماليا بتاع المدرسة، لما بنتناقش هم بيكتبوا فرانكو ووأنا بكتب عربي”. وأضافت: “ولازم أتكلم بلغة أماليا عشان أبقى مواكبة وهنوصل لنقطة وسط عشان متبقاش ماما دقة قديمة”. وتابعت:” وفي نفس الوقت هي لازم تتعلم لغة القرآن ولغتها المصرية بالمفردات بتاعتها وأنا كمان أبقى مواكبة لعصرها”. في سياق آخر، أعلنت الفنانة حنان مطاوع عن سعادتها بفوز فيلمها الجديد “هابي بيرث داي” الذي تتعاون في بطولتة مع النجمة نيللي كريم بـ 3 جوائز في مهرجان تريبيكا العالمي.وكتبت حنان مطاوع من خلال حسابها الرسمي عبر موقع تبادل الصور والفديوهات القصيرة إنستجرام رسالة وجهت فيها شكر لكل صناع العمل، وقالت: “اللهم لك الحمد فوز فيلم هابي برثداي ب 3 جوائز دوليه في مهرجان ترايبكا..احسن فيلم، احسن سناريو، احسن مخرجه”.
وأضافت:” فخوره ان ده اول فيلم مصري يفوز بكل الجوائز دي في تريبيكا”. وتابعت: “فخوره اني كنت جزء من فيلم مخرجته شديييده الانسانيه والموهبه والرقي ( ساره جوهر) فخوره بكاتب سيناريو شديد الرقه والاتقان والجمال ( محمد دياب وساره جوهر) بحبكوا جدااااا”.
وأختتمت:” فخوره ب منتج واعي احمد دسوقي وطبعا احمد بدوي وجيمي فوكس، فخوره بكل عناصر الفيلم واولهم النجمه الجميله نيللي كريم وشريف سلامه والاستاذه حنان يوسف، والطفله المبهره ضحي والطفله الجميله خديجه، وطبعا مدير التصوير المميز سيف الدين والموسيقي الخطيره مينا والمونتاج وكل من شارك في الفيلم”.
