أكد محمود عبد الرازق “شيكابالا”، قائد نادي الزمالك الذي أعلن اعتزاله مساء اليوم، أن علاقته بجماهير الأهلي شهدت خلافات سابقة كانت صعبة، لكنه تجاوز تلك المرحلة، مشيرًا إلى أن “الردود الانفعالية” كانت ناتجة عن غياب من يدافع عن حقوقه، إلا أنه الآن بات أكثر نضجًا وهدوءًا.
قال شيكابالا خلال برنامج “الكورة مع فايق” مع إبراهيم فايق، المذاع عبر شاشة “MBC مصر 2”: “بقالي فترة كبيرة مفيش حاجة، الواحد بيكبر ويهدا ويفكر بطريقة تانية.. أنا فعلاً ما بشيلش من حد، ولو في ناس كانت بتجيبلي حقي ما كنتش هضطر أرد”.
أضاف: “من النهاردة، أنا اعتزلت، وعايز أخرج من الرحلة دي من غير مشاكل، ولو في حد زعلان مني فـ الرحلة خلصت هنا.. مش عايز خناقات مع حد”.
وفي حديثه عن علاقته بجماهير الأهلي، أوضح: “اللي حصل من جمهور الأهلي زمان كان صعب ومحدش يستحمله، لكن دلوقتي مفيش حاجة… أنا بحترم جمهور الأهلي، زيه زي جمهور الزمالك اللي هو جمهوري الحقيقي والعظيم”.
في سياق آخر، قال شيكابالا عن ظهوره على قناة الأهلي وقت أحداث بورسعيد: “اللي حصل في بورسعيد مكنش ليه علاقة بالألوان، كنت شايف حاجة غلط وكان لازم أتحرك.. نفسي أشوف فريق مصري يوصل للنجاحات اللي بيحققها الهلال السعودي، ويفرح جماهيره بالشكل ده”.
