عبر الفنان الشعبي حمو بيكا، عن حزنه الكبير لوفاة المطرب الشعبي أحمد عامر، مقدمًا العزاء والدعاء له بالرحمة والمغفرة.
كما رد “بيكا” على انتقادات حذفه للأغاني الخاصة به مع الراحل، ومطالبات البعض له بالاعتزال، في بث مباشر عبر صفحته على موقع التواصل الاجتماعي “فيس بوك”: “الله يرحمك يا أحمد، ويجعل مثواك الجنة. أنا مسحت الأغاني بتاعته من عندي لأن خلاص هو راح للي خلقه، والأغاني خلاص مش مكانها عندنا دلوقتي”.
وردًا على الانتقادات التي طالت حذف الأغاني بعد الوفاة، أوضح “بيكا” أن ما فعله نابع من احترامه لوفاة “عامر”، وليس تبرؤًا منه أو من أعماله، مؤكدًا: “إحنا مش بنعمل حاجة غلط، دي شغلتنا وبنأكل عيش منها، ومش أنا لوحدي، في 24 أو 26 نفر فاتحين بيوت من الشغل ده”.
أضاف: “نعتزل ليه؟ إحنا مش بنعمل حاجة غلط، لقمة عيشنا ودي شغلتنا وناس كتير بتاكل عيش وفاتحين بيوت من ورانا، ولو بنعمل حاجة غلط أو حرام ربنا اللي هيحاسبنا مش العبد.. الحمد لله إحنا عارفين ربنا وبنصلي”.
تابع “بيكا”: “اللي بيحاسب هو ربنا، مش العبد. وكلنا في الآخر ميتين، وكل واحد هيوصل التاني في يوم من الأيام”. مضيفا: “في ناس كتير في معصية وبتعمل حاجات غلط وبتأذي ناس، اللي بيأذي بالسموم، يعني اللي بيبيع السم للناس هو ده اللي بيأذي.. إحنا مبنأذيش حد ولا عمرنا بنجي على حد، وعارفين ربنا كويس وحامدينه لأن ده فضل من ربنا علينا”.
أشار إلى أنه أوقف العمل في القاهرة فور علمه بخبر الوفاة، وتم تأجيل طرح بعض الأغاني الجديدة لأيام احترامًا للموقف، مضيفًا: “الغُنا ده شغلنا، وبنحب اللي بنعمله، ومش هنبطله.. مش بنأذي حد، وعمري ما عملت حاجة حرام”.
نرشح لك : رسميا.. شيكابالا يعلن اعتزاله كرة القدم
