دافعت الإعلامية ريهام سعيد عن الهجوم الذي تعرضت له مها الصغير مؤخرًا بسبب أزمة اللوحات، مشيرة إلى أنها مرت بظروف قاسية عديدة جعلتها غير مستقرة نفسيًا.
كتبت “سعيد” عبر حسابها الرسمي على موقع التواصل الاجتماعي “فيس بوك”: “غلطت واعتذرت وأصحاب اللوحات سامحوها، وهما أصحاب الحق.. حد سأل عملت كده ليه؟ من غير تفاصيل هي عدت بأوقات كتير قاسية جدا واستحملت كتير وأنا عارفة ده لأني كنت صديقة والدها جدا الله يرحمه”.
نرشح لك: تطورات جديدة.. لعنة “السرقة” تلاحق مها الصغير
أضافت: “أكيد بعد اللي مرت به وبعد فقدان أبوها وزوجها وخلافاتها مع أخوها، كانت بتدور على تقدير وبتدور على نجاح بطريقة غلط.. ولما بتحس بعدم الأمان أنت بتبقى مش مستقر نفسيًا وبتعمل تصرفات غريبة لإثبات الذات وعايز تبقى ناجح ومشهور بأي طريقة”.
أشارت: “مش ببرر بس كلنا بنغلط بس كفاية إهانة، هي لو جبل كان اتهد.. وأنا مريت بهجوم كده قبل كده، ولكن كان على باطل بس برده مجرح أوي.. هي غلطت وأنتم كمان بتغلطوا.. هي غلط وغلط جدا اللي عملته بس أنا متأكدة أن ده نتيجة ضغوط نفسية بتمر بيها”.
اختتمت: “أرجو التوقف عن الهجوم، أنا خايفة عليها مش هتستحمل كل ده كفاية.. لو مش عشانها عشان خاطر أولادها”.
